Fyrsta mótið á Evróputúrnum fór fram í Stokhólmi í Svíþjóð og kláraðist það núna um helgina. Arnar Davíð og Jón Ingi, báðir í KFR, komust í úrslit og endaði Arnar Davíð í 25.sæti aðeins 29 pinnum frá niðurskurðinum en Jón Ingi var aðeins 3 sætum neðar í 28.sæti 50 pinnum frá niðurskurðinum!  Þetta er frábær árangur á þessu fyrna sterka móti. Arnar Davíð hefur verið að gera góða hluti á Evróputúrnum síðan í Odense síðastliðið haust, en hann vann það mót og varð þar með fyrsti íslendingurinn til að vinna mót á Evróputúrnum. Síðan varð Arnar Davíð í 3. sæti á Opna Norska mótinu.

Hérna er staðan á Evróputúrnum 2019
Hérna má skoða úrslitin í mótum Evróputúrsins 2018

Jón Ingi og Arnar Davíð báðir með 24 stig á Evróputúrnum

Arnar Davíð með verðlaunin í Odense mótinu

Arnar Davíð á palli í Opna Norska mótinu

Hið árlega Kampavínsmót KFR var haldið á gamlársdag og var góð þátttaka að venju. Skúli Freyr vann mótið með 739 seríu og fékk hann að launum fullt fang að vinningum. Í 1. flokki var síðan Aron Fannar með nánast jafngóða seríu 735, í öðrum flokki vann síðan Eiríkur Garðar með 620 seríu og í 3. flokki vann Ágústa Kristín með 534 í seríu. Gústaf Smári var með hæsta leikinn í mótinu 258. Hér að neðan má sjá stöðuna ásamt myndum af sigurvegurunum.

Jólamót Nettó og KFR fór fram annan í jólum og var mikil þátttaka að vanda. Spilaðir voru tveir 300 leikir í mótinu og voru þar á ferð þeir Gústaf Smári og Skúli. Gústaf Smári vann mótið með glæsilegri 736 seríu.  Guðmundur S. vann svo 1. flokk með 722 seríu, Herdís vann 2. flokk með 588 seríu og Ágústa vann svo 3. flokk með 499 seríu.  Ekki náðist að fá gjafabréfin afhent fyrir mótið og er verið að vinna í því þessa dagana og viljum við því biðja vinningshafa að vera þolinmóða í nokkra daga í viðbót, en að vanda voru einstaklega flottir vinningar í mótinu.

Hérna eru myndböndin af 300 leikjunum:

Gústi

Skúli

Mótið er öllum opið en áfengi verður ekki afhent einstaklingum undir 20 ára, forraðamenn geta fengið það afhent.

Fjöldi glæsilegra útdráttarvinninga

4x áskrift af Stöð 2 Sport

3xGjafabréf í 55mín keilu í Keiluhöllinni

3xGjafabréf á Pizzu og Shake á Shake&Pizza

3xGjafabréf á Pizzu á Shake&Pizza

Og hver veit nema fleiri flottir vinningar bætist við!

Smelltu hér til að skrá þig og tryggja þér pláss í einu skemmtilegasta móti ársins.

Jólamót KFR verður haldið þriðjudaginn 26.desember klukkan 12:00.
Spilað verða 3 leikir en verð í mótið er 3.500 kr.

Mótið skiptist í 4 flokka:
Stjörnuflokkur: 185+
1. flokkur: 170-184
2. flokkur: 150-169
3. flokkur: 0-149

Nettó veitir verðlaun fyrir efstu 3 sæti í hverjum flokk.

Olíuburður verður High Street
Nánar hér: http://patternlibrary.kegel.net/PatternLibraryPattern.aspx?ID=603

Skráning verður á staðnum.

Laugardaginn 8. apríl fara fram úrslit í Bikarkeppni liða í Keiluhöllinni í Egilshöll.

Keilufélag Reykjavíkur á annað liðið í kvennaflokkinum og bæði lið í karlaflokki.

Í kvennaflokki eru það KFR Afturgöngur sem mæta ÍR BK og í karlaflokki eru það KFR Grænu töffararnir sem mæta KFR Lærlingum.

Þess má geta að mjög litlu munaðai að öll liðin kæmu frá KFR en ÍR BK sló KFR Valkyrjur út í bráðabana í 4 liða úrslitunum í kvennaflokki.

Þann 30. október kláruðust 32ja liða úrslit í bikarkeppni liða. Þar mættust KFR-Grænu Töffararnir sem spila í 2. deild og ÍR-PLS sem spila í 1. deild í spennandi viðureign. Grænu töffararnir sigruðu að lokum í bráðabana með 28 pinnum á móti 25 frá PLS.

16 liða úrslit fara fram 5. desember hjá körlunum en þar á KFR samtals 5 lið.
Þar sem færri lið eru skráð í bikarkeppni kvenna megin fara öll okkar lið þar beint inn í 8 liða úrslit. Þau verða leikin 21. febrúar.

Hvetjum við alla félagsmenn til þess að mæta og styðja okkar lið.