Category: Mót
Jólamót KFR
Afmælishátið KFR
Dagana 29. – 31. október var haldið upp á 30 ára afmæli KFR. Félagið fékk finnska þjálfaran Juha Maja til landsins og hélt hann námskeið í Keiluhöllinni fyrir félagsmenn KFR og einnig var námskeiðið opið fyrir félagsmenn hinna keilufélaganna líka. Þátttaka á námskeiðinu var ágætt en gaman hefði verið að sjá alla tíma sem í boði voru fulla.
Afmælismót KFR var svo haldið laugardaginn 31. október og tókst ágætlega. Það voru 42 sem tóku þátt í mótinu sem var forgjafarmót, keppt í karla- og kvennaflokki. Sigurvegarar urðu Ragna Guðrún Magnúsdóttir og Gústaf Smári Björnsson.
Um kvöldið var svo haldin afmælishátíð í Hlöðunni í Gufunesi. Þar bauð KFR félagsmönnum og öðrum gestum, ásamt mökum, til hátíðarkvöldverðar. Þar sæmdi formaður ÍBR, Ingvar Sverrisson, Þórir Ingvarsson fyrrverandi formann KFR, gullmerki ÍBR, fyrstan keilara. Jafnframt færði Ingvar félaginu afmælisgjöf, 150.000, fyrir hönd ÍBR. Einnig afhenti formaður KFR, Ásgrímur Helgi Einarsson, Þóri gullmerki KFR en hann er fyrsti aðilinn sem er sæmdur merkinu. Jafnframt voru 7 aðilar sæmdir silfurmerki félagsins en það voru þau Bjarni Sveinbjörnsson, Erla Ívarsdóttir, Helga Sigurðardóttir, Ragna Matthíasdóttir, Sesselja Unnur Vilhjálmsdóttir og Valgeir Guðbjartsson.
Hér má sjá myndir sem teknar voru á afmælishátíðinni og af sigurvegurum afmælismótisns
Mikið í gangi þessa dagana.
Mikið er í gangi hjá KFR þessa dagana. Á morgun fimmtudag byrjar námskeið þar sem þjálfari er einn af fremstu þjálfurum heims, Juha Maja. Enn eru lausir tímar hjá honum og er áhugasömum bent á að tala við Ásgrím formann sirryaki@gmail.com eða Theódóru yfirþjálfara KFR keiludora@gmail.com
Á laugardagsmorgun kl. 9:00 er svo 30 ára afmælismót KFR. Keppt er með forgjöf í kvenna- og karlaflokki. Skráning í mótið fer fram á netinu, https://www.eventbrite.com/e/30-ara-afmlismot-kfr-tickets-18923688261
Á sunnudagskvöld kl. 19:00 er svo fyrsta umferð vetrarins í Hjóna- og paramóti KFR. Mótið hefur verið vel sótt undanfarin ár og búast má við góðri þátttöku í ár líka.
Nóg að gera og engin lognmolla í starfi félagsins.
30 ára afmæli KFR
Í tilefni af 30 ára afmæli KFR mun félagið vera með námskeið sem opið er öllum félagsmönnum sem og öllum keilurum. Einnig verður haldið veglegt afmælismót. Smelltu hér til að lesa meira.
Flottur árangur
Reykjavíkurmót einstaklinga með forgjöf var leikið um helgina. Alls tóku 10 félagar úr KFR þátt í mótinu.
Okkar fólk stóð sig með sóma. Tvö komust á verðlaunapall, Guðjón Júlíusson úr Stormsveitinni varð í 3. – 4. sæti í karlaflokki og Elsa G. Björnsdóttir úr Eldingu varð í 2. sæti í kvennaflokki. Óskum við þeim hjartanlega til hamingju.
Reykjavíkurmeistarar urðu Hlynur Örn Ómarsson og Bergþór Rós Ólafsdóttir úr ÍR.
Dagný Reykjavíkurmeistari
Dagný Edda varð í liðinni viku Reykjavíkurmeistari einstaklinga. Dagný Edda sigraði Lindu Hrönn Magnúsdóttur ÍR í þrem leikjum 620 gegn 549.
Í forkeppninni spilaði Dagný Edda 289 leik sem er aðeins einum pinna frá núgildandi Íslandsmeti. Frábært hjá Dagný og við erum sannfærð um að Dagný bætir þetta met í vetur. Til hamingju Dagný.
Reykjavíkurmeistari karla varð Hafþór Harðarson ÍR.
Opna Reykjavíkurmót einstaklinga
Nú er keppnistímabilið að byrja og eins og oft áður er það Reykjavíkurmót einstaklinga sem er fyrsta mót vetrarins. Mótið er um næstu helgi og hvetjum við alla KFRinga til að taka þátt. Auglýsingu má sjá hér en þar eru upplýsingar um skráningu og verð.
Arnar Davíð spilar 300
Arnar Davíð Jónsson, leikmaður Lærlinga, er þessa dagana að spila á Tigers Open í Drammen. Arnar gerði sér lítið fyrir og spilaði 300 leik í þriðja leik.
Samkvæmt metaskrá KLÍ er þetta annar 300 leikur Arnars í móti á ferlinum, hinn kom einnig í Drammen 18. janúar á þessu ári.
Frábær árangur hjá okkar manni, til hamingju Arnar Davíð.
Ragna Matt Íslandsmeistari öldunga
Í vikunni lauk Íslandsmóti öldunga. Þátttökurétt í mótinu hafa allir þeir sem náð hafa 50 ára aldri.
Sigurvegarar urðu Ragna Matthíasdóttir KFR og Þórarinn Þorbjörnsson ÍR. Við erum sérstaklega stolt af okkar konu, henni Rögnu, og óskum henni og Tóta til hamingju með titilinn.
