Mót Keilufélags Reykjavíkur

Minningamót KFR

Mótið er sett á sem minningarmót um látna keilara. Leiknir eru 4 leikir og er leikið í blönduðum flokki með forgjöf, 80% af mismun meðaltals og 200, þó forgjöfin sé neikvæð, en forgjöfin verður þó aldrei hærri en 64 pinnar.

Veitt eru peningaverðlaun og hljóta 5 efstu sætin verðlaun.

1. sæti kr. 25.000.-

2. sæti kr. 15.000.-

3. sæti kr. 10.000.-

4. sæti kr. 6.000.-

5. sæti kr. 4.000.-

Meistaramót KFR

Leiknir eru 3 leikir í karla og kvennaflokki og keppt bæði með og án forgjöf sem er 80% af mismun meðaltals og 200, þó forgjöfin sé neikvæð, en forgjöfin verður þó aldrei hærri en 64 pinnar. Engin úrslit eru leikin með forgjöf en veitt eru verðlaun fyrir fyrstu 3 sætin.

Spiluð eru úrslit milli þriggja efstu manna/kvenna án forgjöf sem leika allir einn leik á sama setti, karlar á einu setti og konur á öðru setti. Allir leika einn leik og fellur úr leik sá sem hefur lægsta skorið. Eftir eru tveir keppendur og leika þeir einn leik til úrslita og fær sigurvegarinn titilinn Stórmeistari KFR. Sé einhversstaðar í úrslitum jafnir leikir sem verða til þess að ekki sé hægt að skera úr um hvort keppandi detti út eða vinni leik skal útkljá leikinn með því að leikmenn kasta einu kasti og sá vinnur sem fellir flestar keilur. Ef enn er jafnt skal endurtaka þetta þar til úrslit liggja fyrir.

Jólmótmót KFR

Fer fram á annan í jólum og byrjar kl 12:00. Keppt er í fjórum flokkum og skipt í flokka eftir meðaltali. Veitt eru verðlaun fyrir þrjú efstu sætin í hverjum flokk.

Kampavínsmót KFR

Kampavínsmót er haldið á gamlársdag og hefst kl 11. Fyrirkomulag og flokkaskipting er sú sama og í jólamótinu.

Elítumót KFR

Elítumót KFR var haldið fyrst vorið 2014. Mótið er C mót þar sem áhersla er lögð á að ná til keilara sem hafa hætt í sportinu. Mótið er opið öllum og er keppt í aldursflokkum.