Í dag fór fram Meistaramót KFR 2015-2016. Alls mættu 26 keppendur til leiks, 13 konur og 13 karlar.

Í úrslitum um stórmeistaratitilinn léku í kvennaflokki Dagný Edda Þórisdóttir og Katrín Fjóla Bragadóttir en í karlaflokki Guðjón Júlíusson og Gústaf Smári Björnsson. Hjá konunum vann Dagný fyrsta leikinn 207 á móti 170 hjá Katrínu og léku þær ekki meira þar sem Katrín gaf frá sér næsta leik v/meiðsla og þar með vann Dagný úrslitin. Hjá körlunum sigraði Gústaf fyrsta leikinn 207 á móti 204 hjá Guðjóni – annan leikinn sigraði Guðjón 202 á móti 153 hjá Gústaf og staðan því 1-1 hjá þeim og léku þeir því þriðja leikinn sem var æsispennandi fram í síðasta kast en Gústaf sigraði hann 232 á móti 226 hjá Guðjóni.

Staðan eftir forkeppni:

Í forgjafar hluta mótsins léku til úrslita 4 efstu konurnar – Dagný, Katrín, Ragna Guðrún og Karen en hjá körlunum voru það Guðjón, Böðvar, Jóel og Gústaf. Í úrslitum eru gefin 20 stig í bónus fyrir sigur og 5 stig fyrir að spila 200 eða hærra.

Lokaúrslit í forgjafar hluta:

Konur:

1. sæti – Dagný (1318)
2. sæti – Ragna Guðrún (1247)
3. sæti – Karen (1178)
4. sæti – Katrín (1158)

Karlar:

1. sæti – Jóel (1296)
2. sæti – Böðvar (1281)
3. sæti – Gústaf (1224)
4. sæti – Guðjón (1198)

Stjórn KFR þakkar félagsmönnum fyrir þáttökuna og óskar skigurvegurum til hamingju.

Meistaramót KFR verður haldið í Keiluhöllinni í Egilshöll laugardaginn 9. apríl kl. 9:00.

Mótið er opið öllum félagsmönnum KFR og hvetjum við alla til að taka þátt.

Skráning og nánari upplýsingar hér

Hér er staðan í Hjóna- og paramóti KFR eftir 3 umferðir en eins og fram hefur komið verður loka umferðin sunnudaginn 10. apríl kl. 18:00 og úrslitin svo beint í kjölfarið.

Lokaumferð í Hjóna- og paramóti KFR sem fara átti fram sunnudaginn 3. apríl hefur verið frestað um 1 viku og fer fram sunnudaginn 10. apríl kl. 18:00

Úrslit verða svo spiluð í kjölfar síðustu umferðarinnar.

Staðan í mótinu verður birt hér á síðunni á næstu dögum.

Á fimmtudag fór fram Elítumót KFR. Elítumótið er að verða eitt vinsælasta og skemmtilegasta mót ársins og gaman er að sjá marga fyrrverandi keilara á öllum aldri mæta í mótið.  Mótið tókst einstaklega vel þetta árið, mikil stemning var húsinu en auk mótsins var verið að sýna frá leik Liverpool og Manchester United og því fullt út úr dyrum.

Úrslit úr mótinu má sjá hérna og hér fyrir  neðan myndir.  KFR þakkar Keiluhöllinni kærlega fyrir aðstoðina við framkvæmd mótsins.

Hafdís Pála Jónasdóttir og Arnar Davíð Jónsson urðu Íslandsmeistarar einstaklinga í gærkvöldi.

Hafdís, sem á dögunum varð fyrsta íslenska konan til að spila 300, átti frábært mót og leiddi það nær allan tímann. Hún mætti Lindu Hrönn Magnúsdóttur úr ÍR í úrslitum og sigraði hana í tveimur leikjum. Í þriðja sæti varð svo Dagný Edda Þórisdóttir úr KFR. Alls áttum við KFR-ingar 4 konur í 8 manna úrslitum en auk Hafdísar og Dagnýar voru það Ragnheiður Þorgilsdóttir Íslandsmeistari 2015 sem endaði 4. sæti og Katrín Fjóla Bragadóttir sem endaði í 7. sæti.  Frábær árangur hjá konunum okkar.

Í karlaflokki var sama upp á teningnum og i kvennaflokknum. Arnar Davíð leiddi mótið nær allan tímann og í raun má segja að engin hafi komist með tærnar þar sem hann hafði hælana.  Arnar spilaði frábærlega og sigraði Stefán Claesen ÍR í úrslitum, 2 – 0. Fyrri leikurinn í úrslitunum var æsispennandi, hann enaði 214 – 214 og þurfti því að grípa til bráðabana þar sem Arnar náði fellu en Stefán 9 keilum.  Eins og í kvennaflokki þá átti KFR fjóra af átta sem spiluðu í úrslitum og eins og í kvennaflokki þá enduðu okkar keppendur í sætum 1, 3, 4 og 7. Freyr Bragason endaði í 3. sæti, Steinþór Jóhannsson í 4. sæti og Björn Birgisson í því sjöunda. Glæsilegur árangur.

Eins og áður er sagt þá er þessi árangur frábær og erum við KFR-ingar mikið stollt af okkar fólki. Eitt nafn verður þó aðeins útundan í allri umræðunni og það er nafn Theódóru yfirþjálfara KFR. Hún hefur unnið mikið með bæði Arnar Davíð og Hafdísi,  með Arnari áður en hann flutti til Noregs og eitthvað eftir það og svo með Hafdísi alveg frá því að hún byrjaði í keilu.  Dóra hefur unnið frábært starf og á mikinn þátt í þessum árangri.

Við óskum öllu okkar fólki til hamingju með árangurinn og þá sérstaklega þeim þremur, Hafdísi, Arnari Davíð og Theódóru.