Á komandi tímabili munu 12 lið keppa fyrir hönd KFR á Íslandsmótinu.
Kvennalið: Afturgöngur, Elding, Skutlurnar, Valkyrjur X og Valkyrjur Z.
Karlalið: Döff, Folarnir, Grænu töffararnir, JP-Kast, Lærlingar, Stormsveitin og Þröstur.
Í kvöld eigast við Stormsveitin og ÍR PLS í toppleik efstu deildar karla. Leikurinn fer fram í Egilshöll og hefst kl. 19.
Leikurinn verður í beinni útsendingu á netinu, slóðin er http://bowl.jarvis.is/#/egilsholl/17/18
ÁFRAM STORMSVEITIN.
.
Stelpurnar í Eldingu fóru í dag norður á Akureyri og spiluðu við Þórynjur. Leiknum lauk með sigri norðanstúlkna, 16 – 4. Best hjá Eldingu var Karenina Kristín með 426.
Stormsveitin fauk upp á Skaga í gær og spilaði við ÍA. Leikurinn var jafn alveg til enda og það var ekki fyrr en í síðasta ramma sem úrslit urðu ljós þar sem 3 stig réðust á síðasta ramma.
Þau stig féllu ÍA megin og þeir höfðu því sigur 10 – 7 þrátt fyrir að Stormsveitin hafi spilað betur, 1670 – 1701. Efstur hjá Stormsveitinni var Ásgrímur með 631.
Stormsveitin situr í efsta sæti fyrstu deildar með 53 stig, þremur stigum meira en ÍR KLS sem eiga leik til góða.
KFR liðin voru á fullu í síðustu viku og hér eru úrslit vikunnar:
Lærlingar tóku á móti ÍR L í Egilshöll. Úr varð spennandi leikur sem endaði 9 – 8 fyrir Lærlinga. Efstur þeirra var Andri Freyr með 578.
Stormsveitin spilaði við ÍR Broskarla. Sú viðureign varð aldrei spennandi og unnu okkar menn leikinn 14 – 3. Það var Gústaf Smári sem spilaði best, 585.
KFR liðin Afturgöngur og Valkyrjur mættust í Egilshöll. Afturgöngur sigruðu 14 – 6 þar sem Ragna Matt spilaði best Afturgangna 535 en Theódóra Ólafs best hjá Valkyrjum 534.
Skutlurnar mættu ÍR TT. Þar unnu ÍR TT leikinn 15 – 5 en Þórunn Stefanía spilaði best hjá Skutlunum, 526.
Í 2. deild karla mætti Þröstur í heimsókn til ÍR Blikk í Öskjuhlíðina. ÍR hafði betur í þessari viðureign 11 – 9 og spilaði Jökull Byron best Þrasta, 553.
JP Kast mætti líka í heimsókn í Öskjuhlíðina og spilaði við KR D. KRingar unnu leikinn 15 – 5 og það var Konráð Þór sem spilaði best þeirra, 541.
Í 3. deild mætti Múrbrjótur liði KR E. Múrbrjótur lá í þessum leik 7 – 13 og það var Jóel Eiður sem spilaði best, 524.
Ný keppnisvika hefst svo á morgun þegar strákarnir í Stormsveitinni fara upp á Skaga og spila við ÍA. Leikurinn hefst kl. 18:00. Sjá nánar leiki vikunnar á heimasíðu KLÍ.
Afturgöngur unnur stórsigur á ÍR BK í 4. umferð 1. deildar kvenna í gær. Leikurinn endaði 18 – 2 og var Harpa Sif efst hjá Afturgöngum með 556.
Einnig áttust við Valkyrjur og Skutlurnar í KFR slag. Valkyrjur sigldu því nokkuð örugglega í höfn en 2. leikurinn var jafn og skemmtilegur þar sem Skutlurnar unnu á einum pinna. Valkyrjur tóku hins vegar 15 stig á móti 5 stigum Skutlanna. Efst hjá Valkyrjum var Hafdís Pála með 527 en hjá Skutlunum Anna Soffía með 513
Í 1. deild karla tók Stormsveitin á móti KR A. Stormsveitin tók fyrstu tvo leikina 4 – 1 en tapaði þeim síðasta 1 – 4. Stormsveitin vann hins vegar heildina og enduðu leikar 11 – 6. Efstur hjá Stormsveitinni var Viktor með 598.
Nokkur KFR lið voru að spila í kvöld og hér eru þau úrslit sem hafa borist:
Þrestir mættu ÍR-Nas í kvöld. Þrestir sigruðu sannfærandi 16 – 4 þar sem Valgeir spilaði 584 og Siggi Sverris 574.
Múrbrjótur spilaði við ÍR-Gaura. Gaurarnir sigruðu þennan leik 11 – 9 en hæstir hjá Múrbrjóti voru Jóhann með 510 og Jóel með 509.
JP Kast tóku á móti ÍR-Blikk. JP Kast áttu ekki í vandræðum með þennan leik og sigruðu 16 – 4. Hæstur var Konráð með 649.
Valkyrjur og Afturgöngur áttust við í KFR slag. Afturgöngur sigruðu 14 – 6 en við höfum ekki upplýsingar um skor.
.
Nú er ECC 2014 búið og þá hefst hversdagslífið hjá okkur keilurum aftur.
Lærlingar fóru í dag upp á Skaga og spiluðu við ÍA í 1. deild karla. Lærlingar þurftu að fara lengri leiðina á Skagann þar sem göngin voru lokuð.
Eins og búast mátti við tóku okkar menn meirihluta stigana með í bæinn, leikurinn endaði 14 – 3 þar sem Freyr var með hæsta leik 244 og seríu 643. Vel gert Lærlingar sem í augnablikinu sitja á toppi deildarinnar.
.
Í kvöld mættust Lærlingar og Stormsveitin í uppgjöri 1. deildarliða KFR. Leikurinn fór fram í Egilshöll. Stormsveitin sigraði 5 – 12 og var Viktor hæstur Stormsveitarmanna með 622 en hjá Lærlingum var Freyr hæstur með 553. Leikurinn var í beinni á netinu og hægt er að horfa á upptöku af honum hérna hægra megin á síðunni.
Valkyrjur tóku á móti ÍR Buff í Egilshöll í 1. deild kvenna. Leikurinn endaði með sigri ÍR Buff 4 – 16. Hæst hjá Valkyrjum var Hafdís Pála með 525.
Í Öskjuhlíð mættust ÍR SK og KFR Elding í 2. deild kvenna. Þetta er þriðji leikur Eldinga kvenna á þremur dögum. Leikurinn endaði 18 – 2 fyrir ÍR SK en efst hjá Eldingu var Karenina með 470.
KFR liðin Afturgöngurnar og Skutlurnar mættust í 1. deild kvenna í Öskjuhlíð. Það voru Afturgöngur sem sigruðu 14 – 6. Helga Sig spilaði best hjá Afturgöngum, 508 en hjá Skutlunum var Karen efst með 485.
Stöðuna í deildunum má sjá á síðu KLÍ. Ekki verður spilað í deildunum í næstu viku vegna Evrópumóts Landsmeistara sem fram fer í Egilshöll miðvikudag til laugardags. Heimasíða mótsins er www.ecc2014.is
.
Í kvöld eigast í 1. deild karla KFR liðin Lærlingar og Stormsveitin. Búast má við hörkuleik og að sjálfsögðu verður leikurinn í beinni á netinu. Slóðin er http://bowl.jarvis.is/#/egilsholl/17/18
